ಅವಸರದ ಕಾಲವಿದು. ಅಚಾತುರ್ಯಗಳು ಸಹಜ. ಹತ್ತಾರು ಮೆಸೇಜ್ ಗ್ರೂಪುಗಳು, ಒಂದರಲ್ಲಿ ಬಂದಿದ್ದು ಮತ್ತೊಂದಕ್ಕೆ ಫಾರ್ವರ್ಡ್ ಮಾಡುವ ಧಾವಂತ. ಆದರೆ, ಕೆಲವು ಗ್ರೂಪುಗಳಿಗೆ ಅದರದ್ದೇ ಆದ ಲಿಖಿತ/ಅಲಿಖಿತ ನಿಯಮಗಳಿರುತ್ತವೆ. ಹೀಗಾಗಿ ನಿಯಮ ಮೀರಿ, ಧಾವಂತದಲ್ಲಿ ಸಂದೇಶವನ್ನು ಫಾರ್ವರ್ಡ್ ಮಾಡಿಬಿಟ್ಟರೆ? ಕಚೇರಿಗೆ ಸಂಬಂಧಿಸಿದ ಗ್ರೂಪಿಗೆ ಕೌಟುಂಬಿಕ ಗ್ರೂಪಿನ ಮೆಸೇಜುಗಳನ್ನೂ ಹಾಕಿಬಿಟ್ಟರೆ? ಅಥವಾ ಏನೋ ತರಾತುರಿಯಲ್ಲೋ, ಕೋಪದಲ್ಲೋ ಸಂದೇಶ ಹಾಕಿಯಾಗಿದೆ, ಅದನ್ನು ಹಾಗೆ ಮಾಡಬಾರದಿತ್ತು ಎಂದು ಪಶ್ಚಾತ್ತಾಪವಾಗುತ್ತದೆ. ಇಂಥ ಸಂದರ್ಭಕ್ಕಾಗಿಯೇ, ವಾಟ್ಸ್ಆ್ಯಪ್, ಇನ್‌ಸ್ಟಾಗ್ರಾಂ, ಟೆಲಿಗ್ರಾಂ ಮುಂತಾದ ಕಿರು ಸಾಮಾಜಿಕ ಜಾಲ ತಾಣಗಳಲ್ಲಿ…